過咗幾日，大家捉咗唔少精靈自然想去挑戰下道館，當然有部份勤力嘅玩家可能已經稱霸緊，但有唔少玩家可能仲未對道館對戰好熟悉，所以呢篇文章會解釋下道館對戰嘅玩法先！
大家都應該知道館喺需要角色Lv5先入到，當你夠等級第一次入道館，要叫你選擇3個陣營去進行GYM房嘅佔領同防衛。
▲當道館上面白色時候，就代表暫時未有人佔領，玩家可以擺放精靈去佔領該道館。而當有人佔領時候，就會好似圖右邊出現進行防衛小精靈同陣營顏色。當玩家打嬴或者霸佔空置道館時，玩家需要擺放一隻精靈進行防守，而且該精靈暫時會唔可以用去挑戰其他場館，同隊嘅都可放精靈防守，每個玩家限放一隻。
相同陣營可以進行訓練對戰，而不同陣營進行挑戰，擊敗現有防守者以及館主，每打贏一次，嘅聲望值就會減少，入面嘅防守精靈亦會由低層減少，打走曬對方所有精靈就可以由玩家佔領。
講完基本知識，開始講挑戰嘅流程：
１．首先，行去唔同陣營嘅道館，之後點擊挑戰揀選六隻精靈(訓練只選一隻)，按GO去開始戰鬥！２．戰鬥方法，點撃畫面會出攻擊(第一招技能)，長按畫面會出更強技能(第二招技能)，第一/二招技能轉頭會講解，睇啱時機係畫面掃左/右可以進行閃避，綠色行為血量，血量下方藍色為技能，每儲滿一格就可以使用，喺對戰當中你亦可以隨時轉換另一隻精靈 (一開始揀選6隻中)，亦可以退出。
▲戰鬥畫面
▲綠色行為血量，血量下方藍色為技能３．戰鬥除咗睇你精靈血量同CP值，仲好睇你技能，屬性相剋等，攻擊方就睇招式屬性，防禦方係睇隻怪嘅屬性，每隻精靈會有2招技能，分別代表你普通點撃畫面(第一招技能)，長按畫面(第二招技能)，技能嘅強弱屬性都會影響戰鬥，高登一班巴絲打就整合出一個非常實用資料表，有齊屬性相剋表，技能排行等。
▲上方為第一招技能，下方為第二招４．講咗咁耐嬴左有咩好處先？
▲除左巴閉、英雄主義，當然仲有啲實質少少，每21個小時可以領取一次防禦獎勵，當前放係防衛精靈數目每隻500星塵同10 Coin，最多可以拎10間道館。
▲Coin目前只可靠防禦獎勵免費獲得５．有咩方法可以多人去一齊防衛，道館等級會影響可以容納精靈數量，透過同陣營訓練提升聲望，當聲望值提高到達下個等級時候，就可以放更多精靈進行防衛。
下面是一個參考：
| 道館房等級 | 寵物小精靈 | 最小聲望點數 |
| 1級 | 1 | 0 |
| 2級 | 2 | 2000 |
| 3級 | 3 | 4000 |
| 4級 | 4 | 8000 |
| 5級 | 5 | 12000 |
| 6級 | 6 | 16000 |
| 7級 | 7 | 20000 |
| 8級 | 8 | 30000 |
| 9級 | 9 | 40000 |
| 10級 | 10 | 50000 |
６．打完道館，之後當然會有傷亡，呢個時候你需要使用角色背囊入面嘅道具去回復血量同復活
▲Potion為回復藥，Revive為復活藥７．放左入道館嘅精靈係唔係拎唔返？放左入道館嘅精靈只係暫時性用唔到住，要等打輸嘅時候佢就會自動回到你身邊，呢個時候你亦需要幫佢回復！
沒有留言:
張貼留言