【Pokemon Go攻略】新手玩法教學「孵蛋篇」

大家玩《Pokemon GO》玩到咁上下，應該都會收到唔少「蛋」，「孵蛋」係《Pokemon GO》一個有趣嘅項目，只要你將「蛋」放入孵蛋器，再行一定嘅路程，就可以孵出小精靈。如果你細心一睇，你會發現唔同蛋會有唔同「距離」，有2km、有 5km，甚至係10km。玩家可以同時使用多個孵蛋器幫孵化幾隻小精靈，不過到底2km、5km同10km 蛋分別會孵出咩小精靈呢？外國已經有玩家做咗資料搜集，不如一齊睇下丫！

雖然御三家同比卡超都係出現喺2km蛋嘅List入面，不過大家都應該會估到，就算係同系列蛋，都會有出現機率呢個數值，筆者孵咗4、5隻2km 蛋，來來去去都係小哥達同埋波波，連小拳石都未見到，如果想要御三家或者比卡超，我諗都係去親自捉穩陣喇，孵蛋呢個部份你就當係Bonus啦！