Pokemon Go 小精靈蛋含玄機 【必睇】一張表話晒比你知！

雖然大家仲未玩得《Pokemon Go》，不過，有攻略當然就睇咗冇執輸啦！有外國網友就指出，原來係補給站得到嘅小精靈蛋，可以孵到出來嘅小精靈係有規律可尋！想知道手上嘅小精靈蛋有機會孵出咩小精靈？一張表話你知！

原來，關鍵在於小精靈蛋嘅孵蛋里數。遊戲裏面得到嘅小精靈蛋，分為 3 種。包括 2km、5km、10km，分別對應常見小精靈、罕見小精靈以及珍稀小精靈。好似 2km 就會孵出遊戲一開始出現嘅 3 大小精靈：奇異種子、小火龍、車厘龜，竟然仲有比卡超！想要比卡超嘅朋友，孵蛋得到嘅機會率隨時高過出街遇到！

5km 嘅罕見小精靈有 43 種，包括多多、阿柏蛇、行路草、火蔥鴨、食夢獸等等。而 10 km 嘅珍稀小精靈，有 16 種，包括大岩蛇、背背龍、卡比獸！想得到呢啲小精靈，就要好好孵蛋啦！