【Pokemon Go攻略】上網Check 附近有乜怪一目了然！

好熱，真係好熱，三十幾度出去捉小精靈，喺唔知頭唔知路嘅情況下去搵，頭先搵咗半個鐘都已經大汗置細汗，如果可以比我知道邊頭有咩小精靈之後先出 發，我諗真係會好好多。外國有網民就喺玩咗幾日《Pokemon GO》之後已經明白呢個道理，所以就整咗一個可以探測附近Pokemon 嘅網頁！

PokeVision 同PokeRadar唔同，Radar 其實係一個比大家統計嘅網頁，話比大家知邊個位會有機會出邊類小精靈。而PokeVision 係向《Pokemon GO》嘅SERVER side 拎實時資料，並會話比大家邊現時邊一個位置有邊一款小精靈。可能Pokemon Company 一早預料到玩家會有此一著，所以每款小精靈嘅「live time」都只有5到15分鐘。簡單D講，即係每15分鐘小精靈就會換位，所以比你有呢個網頁，都未必可以拎到傳說級小精靈。用法方面其實非常簡單，只要 你喺地圖上搵返自己嘅位置，之後Click一下，系統就會幫你搵返你身邊嘅小精靈。不過如果你連地圖都唔識睇，就真係神仙都救你唔到喇。
可能有巴打會覺得呢個方法有作弊之嫌(其實真係Cheat緊囉好唔好)，不過作為新玩家，要豐富你嘅圖鑑的話，呢個PokeVision 都真係好幫到手架！
Poke Vision 網址:https://pokevision.com/